ពោធិសាត់ ៖ តាមប្រភពព័ត៌មានពីមន្ត្រីរបស់មន្ទីរធនធានទឹក និងឧតុនិយមខេត្តពោធិ៍សាត់បានឱ្យដឹងថា ការអសមត្ថភាព និងពុករលួយបក្ខពួកនិយមរបស់ប្រធានមន្ទីរធនធានទឹក និងឧតុនិយមខេត្តពោធិ៍សាត់ ក្រោយការបែកធ្លាយព័ត៌មានអាស្រូវប្រព្រឹត្តអំពើពុករលួយនេះហើយ បែរជាធ្វើឱ្យគាត់ ក្តៅក្រហាយ និងគំរាមស្វែងរកមុខក្រុមមន្ត្រីដែលទម្លាយរឿងអាស្រូវរបស់គាត់ដល់ដៃអ្នកកាសែត ដើម្បីបញ្ឈប់ តំណែងទៀតផង ។
តាមប្រភពបានដដែលបានឱ្យដឹងទៀតថា ដោយសាតែមានអំពើពុករលួយដ៍ខ្លាំងខ្លានៅក្នុងមន្ទីរធនធានទឹក និងឧតុ និយមខេត្តពោធិ៍សាត់ ក្នុងមួយ ឆ្នាំៗឃុបឃិតគ្នាកឹបកេងលុយរដ្ឋបានធ្វើ ចន្លោះពី ២០០-៣០០លានរៀល មិនគួរបើលោក លឹម គានហោ ធ្វើមិនដឹងមិនឮយ៉ាងដូច្នេះសោះឡើយ ។
ជាងនេះទៅទៀតថវិកាដែលបាត់បង់ទាំងនោះ គឺបានធ្លាក់ចូលទៅក្នុងហោប៉ៅរបស់លោកប្រធានមន្ទីរ កែវ វ័យ និង មន្ត្រីជំនិតរបស់គាត់មួយចំនួនតូចប៉ុណ្ណោះ សកម្មភាពបែបនេះផ្ទុយពីអនុសាសន៍របស់ សម្តេចនាយករដ្ឋមន្ត្រី ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ទាំងស្រុង និងរំលោភលើច្បាប់អំពើពុករលួយទៀតផង ។
ពាក់ព័ន្ធនឹងអំពើពុករលួយបក្ខពួកនិយមយូរឆ្នាំរបស់លោក កែវ វ័យ និងមន្ត្រីឃុបឃិតគ្នាកឹបកេងលុយ គម្រោងថ្នាក់ ជាតិ និងការកឹបកេងថវិកាជាតិដ៏ច្រើនសន្ធឹកសន្ធាប់នោះ ធ្វើឱ្យមន្ត្រីមួយចំនួនផ្សេងទៀតបានត្រឹម ស្រក់ទឹកមាត់និងហិតក្លិនប៉ុណ្ណោះ។ លើសពីនេះ ថវិកាដែលគេកឹបកេងបានច្រើនបំផុតក្នុងមួយឆ្នាំៗនេះ គឺថវិកា នៅក្នុងជំពូក៦១ ផ្នែកថែទាំនិងជួសជុល និងប្រាក់នៅក្នុងជំពូក៦២ ផ្នែកសោហ៊ុយទូទាត់ក្នុងប្រទេស ។
ជាពិសេស គឺជាប្រាក់នៅក្នុងជំពូក៦៥ ផ្នែកជួយជនរងគ្រោះដោយគ្រោះធម្មជាតិ និងផ្នែកផ្សេងៗ ដែលពួកគេមាន ឱកាសប្រព្រឹត្តអំពើពុករលួយច្រើនបំផុតងាយស្រួលឱ្យលោក កែវ វ័យ មានឱកាសប្រព្រឹត្តអំពើពុករលួយតាមតែ អំពើចិត្ត ។
ទោះជាយ៉ាងណាការប្រព្រឹត្តអំពើពុករលួយរបស់លោកកែវវ័យ និងបក្ខពួកគឺកម្ររមានឧបសគ្គ ដោយសាតែរូបគាត់ និងបក្ខពួកពូកែរៀបចំឯកសារមេនានា ជាប្រព័ន្ធ ដើម្បីបំប៉ោងការចំណាយ សមស្របដែលក្រុមអធិការកិច្ច ឬក្រុម សវនកម្មរកចំណុចខ្សោយមិនឃើញ ។ ដូចជាក្រុមអធិការកិច្ចឬសវនកម្ម ភាគច្រើពួកគេពិនិត្យទៅលើតែ ឯកសារចំណាយ មិនពិនិត្យដល់មូលដ្ឋានដើម្បីលំអិតស្រាវជ្រាវពីរឿងអាស្រូវនោះទេ។ ហើយបើទោះជាក្រុមអធិ ការកិច្ច ក្រោមក្លៀករបស់រដ្ឋមន្ត្រី លឹម គានហោ ពូកែបែបណាក៏មិនអាចឈ្នះអំណាចលុយពុករលួយរបស់ កែវ វ័យ បានឡើយ ព្រោះតែគាត់ឆ្លាតពូកែប៉ិនប្រសប់បែបនេះ ទើបក្រុមមន្ត្រីក្រសួងចុះទៅនោះ ឱ្យតែសើមមាត់ ម្ហូបខ្លាញ់ និងខារ៉ាអូខេ ដូច្នេះហើយទើបរឿងអាស្រូវរបស់ គាត់ត្រូវបានស្ងាត់ស្ងៀមសុវត្ថិភាពជាមួយថ្នាក់លើជានិច្ច ។
បើតាមប្រភពបានឱ្យដឹងថា សម្រាប់ការចំណាយថវិកាជាតិមិនមែនកម្មវិធីរបស់មន្ទីរធនធានទឹកនិង ឧត្តុនិយម ខេត្តពោធិ៍សាត់វិញ ក្នុងមួយឆ្នាំៗចំណាយអស់ថវិកាជាង១០០០លានរៀលឯណោះទៅលើគ្រប់ជំពូក។ ហើយ ដោយ ក្នុងនោះ គេឃើញការចំណាយសម្រាប់បន្ទុកបុគ្គលិកក្នុងមួយឆ្នាំអស់ត្រឹមតែជាង១០០លាន រៀលតែ ប៉ុណ្ណោះ ។
ផ្ទុយទៅវិញ សម្រាប់គម្រាងចំណាយឆ្នាំ២០១៤របស់មន្ទីរមួយនេះមានរហូតដល១,២៣៦,៦ លានរៀល ហើយក្នុង នោះជំពូក៦០ មានចំនួន៥៦,២លានរៀល ជំពូក៦១ មានចំនួន៤១៥,៧លានរៀល ។ ជំពូក៦២ មានចំនួន៩៧,៧លានរៀល ជំពូក៦៤ មានចំនួន១៤៧,០លានរៀល ។ ជំពូក៦៥ មានចំនួន ៥២០,០លាន រៀល។ ឯសម្រាប់ការចំណាយថវិកាជាក់ស្តែងនៅឆ្នាំ២០១៤នេះវិញគេ ឃើញថានៅសេសល់ មួយចំនួន ដោយសាររៀបចំការចាយមិនទាន់ និងនៅសល់ប្រាក់ខ្លះពីការទិញដោយសារតែមានការដេញថ្លៃតាមបែបលទ្ធកម្ម មួយចំនួនទៀត ដែលរៀបចំកឹបកេងនោះមិនទាន់ និងត្រូវបែកការ ទើបមានទឹកប្រាក់ខ្លះនៅសល់ ។
ទាក់ទិននឹងសកម្មភាពអំពើពុករលួយ អស់រយៈពេលជាច្រើនឆ្នាំមកនេះ គេបានឃើញលោក កែវ វ័យ និងបក្ខពួក កំពុងបន្តកើតមាននៅមន្ទីរ ធនធានទឹកនិងឧត្តុនិយមខេត្តពោធិសាត់ យ៉ាងពេញបន្ទុកក្រោមក្លៀកការដឹកនាំ របស់ លោកកែវ វ័យ ជាប្រធានមន្ទីរ ខណៈពេលដែលរាជរដ្ឋាភិបាល បានធ្វើកំណែទម្រង់លើអំពើពុករលួយនោះ អំពើពុករលួយក៍នៅតែកើតមានដដែល ដោយពុំមានការកាត់បន្ថយនោះទេ។
ជុំវិញបញ្ហាខាងលើ និងការអសមត្ថភាពយ៉ាងទុំជោររបស់លោកប្រធានមន្ទីរ កែវ វ័យនោះ បើតាមទឹកចិត្តរបស់ ពួកគាត់គឺមិនចង់ឱ្យមានថវិកាសេសសល់ទេ ក្រោមការដឹកនាំរបស់លោក កែវ វ័យ ព្រោះការចាយប្រាក់ច្រើនគឺពួក គាត់អាចមានឱកាសកឹបកេងពុករលួយបានច្រើន ប៉ុន្តែវាត្រូវតែទុកឱ្យសល់ដើម្បីកុំឱ្យក្រុមអធិការកិច្ចឬសវន កម្មរកចំណុចខ្សោយឃើញ ខ្លាចក្រុមនេះរកឃើញចំណុចខ្សោយនាំឱ្យបាត់បង់តំណែង និងនាំឱ្យជាប់អន្ទាក់អង្គភាពប្រឆាំងអំពើពុក រលួយ ។ ហេតុនេះ សូមរាជរដ្ឋាភិបាលមេត្តាចាត់វិធានការ ដាក់ទោសទណ្ឌយ៉ាងធ្ងន់ធ្ងរ កាត់ទោសតាមផ្លូវច្បាប់ ដើម្បីកាត់បន្ថយភាពអំពើពុករលួយបែបនេះ នៅក្នុងប្រទេសកម្ពុជា ។/
