​មេ​សាខាគយ​រដ្ឋាករ​ខេត្ត​បន្ទាយមានជ័យ ជាន់ឈ្លី​បទបញ្ជា​លេខ ០១ របស់​សម្តេច ហ៊ុន សែន​

​ខេត្ត​បន្ទាយមានជ័យ​ ៖ រាជរដ្ឋាភិបាល​បាន​ខិតខំ​ប្រឹងប្រែង​ដើម្បី​ធ្វើការ​កែទម្រង់​យ៉ាងសកម្ម​ធានា​ដល់​ការរីកចម្រើន​សេដ្ឋកិច្ច ជាតិ បម្រើ​ដល់​ប្រជាពលរដ្ឋ និង​ប្រទេសជាតិ​នាបច្ចុប្បន្ន និង​អនាគត ។​

​រយៈពេល​កន្លង​ទៅនេះ សម្តេច​អគ្គមហាសេនាបតី​តេជោ ហ៊ុន សែន នាយករដ្ឋមន្ត្រី​នៃ​ព្រះរាជាណាចក្រ​កម្ពុជា បាន ចេញ​បទបញ្ជា​លេខ ០១ ប​.​ប ចុះ​ថ្ងៃ​ទី ០៩ ខែតុលា ឆ្នាំ​២០១៦ ក្នុង​ហេតុផល​បញ្ចៀស​ដល់​ការប៉ះពាល់​ចំណូល​រដ្ឋ និង​ការ ប្រកួតប្រជែង​ពាណិជ្ជកម្ម ។​

​យោងតាម បទបញ្ជា​លេខ ០១ ប​.​ប ចុះ​ថ្ងៃ​ទី ០៩ ខែតុលា ឆ្នាំ​២០១៦ នេះ បាន​បញ្ជា​ដល់​កងកម្លាំង​ប្រដាប់អាវុធ និង​អាជ្ញាធរ​ដែនដី​ឱ្យ​ចូលរួម​សហប្រតិបត្តិការ​យ៉ាង​មុតមាំ ទាំង​កម្លាំងកាយ​ចិត្ត​ដើម្បី​បង្ក្រាប​បទល្មើស​ដែល​ចែកចេញ​ជា​ពីរ ប្រភេទ គឺ​ប្រភេទ​ទី ១ លំដាប់​ថ្នាក់​ជាតិ​ជា​លក្ខណៈ​អន្តរក្រសួង​, ប្រភេទ​ទី ២ លំដាប់​ថ្នាក់​ខេត្ត ។​

​តាម​ប្រភព​ព័ត៌មាន​ពី​អាជីវករ និង​ប្រជាពលរដ្ឋ​រកស៊ី​ចេញ​ចូល​ពី​ប្រទេស​ថៃ​មក​កម្ពុជា ពី​កម្ពុជា​ទៅ​ថៃ បាន​និយា យ ថា លោក​ដែល​ធ្វើ​គយ ជាពិសេស​លោក​មេ​គយ​រដ្ឋាករ ដែល​មាន​លោក ឆែ សុធា ប្រធាន​ទីចាត់ការគយ និង​រដ្ឋាករ ត្រូវប៉ាន់​គ្រប់ទឹក​តែ​ម្មង ។ សារព័ត៌មាន​យុត្តិធម៌ សួរថា ហេតុ​ដូច​ម្តេច​បាន​លោកពូ​ពោល​ដូច្នោះ ។

​ហ៊េ​បាន​និយាយ​ដូចនេះ មើលឃើញថា បទល្មើស​គេចពន្ធ​នានា​កើត​មាន​គ្រប់​ច្រកល្ហក លួច​ចូល​តាម​ច្រកព្រំដែន​ផ្សេងៗ​ទាំង​ច្រក​ធំ (​ច្រក​អន្តរជាតិ​)​ទាំង​ច្រក​តូច (​ច្រករបៀង​)​ជាពិសេស​គឺ​រត់ពន្ធ​ប្រេងសាំង​យ៉ាង គគ្រឹកគគ្រេង​បែប​អនាធិបតេយ្យ និង​ឥ​វ៉ាន់​ដឹក​តាម​រថយន្ត​តូច​ធំ​យ៉ាង​សម្បើម​ចេញ​ចូល​តាម​ច្រកព្រំដែន​ភាគ​ខាងលិច​ជាប់ ខេត្ត​បន្ទាយមានជ័យ និង​ប្រទេស​ថៃ​នា​បច្ចុប្បន្ននេះ ។​

​ការរត់ពន្ធ​ប្រេងសាំង ហ្គាស រថយន្ត​តូច​ធំ ដឹក​ឥ​វ៉ាន់​ផ្សេងៗ​សំពីងសំពោង​បែប​អនាធិបតេយ្យ​ចេញ​ចូល​តាម​ច្រក​ព្រំ ដែន​កើតឡើង​យ៉ាង​គគ្រឹកគគ្រេង​នោះ ហើយ​មាន​បង់ពន្ធ​មិន​គ្រប់​ចំនួន ខ្លះ​មិន​បង់ពន្ធ ខ្លះ​បង់ពន្ធ​បាន​ពាក់កណ្តាល ខ្វះ​បង់ពន្ធ បាន​បន្តិចបន្តួច​ធ្វើបែបនេះ​ហើយ​ជា​រៀងរាល់ថ្ងៃ ជា​រៀងរាល់​ខែ និង​ឆ្នាំ​នោះ ធ្វើឱ្យ​បាត់​ចំណូល​ពន្ធ​រាប់រយ​សិប​ម៉ឺន​ដុល្លារ ក្នុង​មួយ​ឆ្នាំៗ ហេតុដូចនេះ​ក៏​បណ្តាល​ឱ្យ​មាន​វិសមភាព​ក្នុង​ការប្រកួតប្រជែង​ពាណីជ្ជកម្ម​ទៀតផង មានន័យ​ថា ក្រុមហ៊ុន សុច្ចរិត​រកស៊ី​បង់ពន្ធ​ជូន​រដ្ឋ​ត្រឹមត្រូវ រី​ឯ​ក្រុមហ៊ុន​ទុច្ចរិត​រកស៊ី​គេចពន្ធ ឬ​គេចពន្ធ​ខ្លះ ឬ​បង់ពន្ធ​ខ្លះ​ជារឿយៗ ធ្វើឱ្យ​បាត់បង់​ពន្ធ​រដ្ឋ តែ​មាន​ការកើនឡើង​នូវ​សកម្មភាព​អំពើ​ពុករលួយ​យ៉ាង​សន្ធឹកសន្ធាប់ ស្របពេល​ដែល​មាន​ស្ថាប័ន​អង្គភាព​ប្រឆាំង​អំពើ​ពុក រលួយ និង​ច្បាប់​អំពើពុករលួយ​មាន​ស្រាប់​ធ្វើ​ព្រងើយកន្តើយ ។​

​លោក ឆែ សុធា ប្រធាន​សាខាគយ និង​រដ្ឋាករ​ខេត្ត​បន្ទាយមានជ័យ ត្រូវបាន​ប្រជាពលរដ្ឋ និង​អ្នកជំនួញ​រកស៊ី​ដឹក​ទំនិញ​ចេញ​ចូល​តាម​ច្រក​នានា ពី​ប្រទេស​កម្ពុជា​ទៅ​ប្រទេស​ថៃ ពី​ថៃ​មក​កម្ពុជា បាន​រអ៊ូរទាំ​ហើយ​រិះគន់ ខ្លាំងៗ​យ៉ាង​ចាស់ដៃ​ថា លោក ឆែ សុធា ជា​ប្រធាន​សាខាគយ និង​រដ្ឋាករ​បាន​បើកផ្លូវ​បណ្តែតបណ្តោយ​ឱ្យ​កូនចៅ​ជា​មន្ត្រី​គយ ប្រចាំ​តាម​គ្រប់​ច្រកល្ហក​តាម​ព្រំដែន បណ្តែតបណ្តោយ​ធ្វើ​មិនដឹងមិនឮ​ក្នុង​ការបង់ពន្ធ​ប្រេង ហ្គាស និង​ទំនិញ​ផ្សេង​តាម​ច្រក នានា​ជុំវិញ​ខេត្ត​បន្ទាយមានជ័យ ។​

​ពាក់ព័ន្ធ​នឹង​សកម្មភាព​បទល្មើស​គេចពន្ធ ហ្គាស និង​ទំនិញ​ទាំងអស់នោះ គឺ​ប្រព្រឹត្តទៅ​ដោយ​រលូន ហើយ​ការរកស៊ី របស់​ឈ្មួញ​ទុច្ចរិត​ឃុបឃិត នឹង​មន្ត្រី​គយ​បង់ពន្ធ​មិន​គ្រប់​នោះ គឺ​លោក ឆែ សុធា ជា​ប្រធាន​គយ និង​រដ្ឋាករ​ខេត្ត​បន្ទាយ​មាន ជ័យ ធ្វើ​មិនដឹងមិនឮ​មិន​បង្ក្រាប ដោយ​បើកភ្លើង​ខៀវ​ឱ្យ​មន្ត្រី​គយ​ក្រោម​ឱវាទ​ប្រព្រឹត្ត​អំពើ​ពុករលួយ​ប្រឆាំង នឹង​បទបញ្ជា លេខ ០១ ចុះ​ថ្ងៃ​ទី ០៩ ខែតុលា ឆ្នាំ​២០១៦ របស់​សម្តេច ហ៊ុន សែន នាយករដ្ឋមន្ត្រី​នៃ​រាជរដ្ឋាភិបាល ។​

​ទាក់ទង​នៅ​នឹង​បញ្ហា​នេះ ស្ថាប័ន​អំពើពុករលួយ ស្ថាប័ន​អធិការកិច្ច ស្ថាប័នគយ និង​រដ្ឋាករ និង​ស្ថាប័ន​ពាក់ព័ន្ធ​នានា គួរតែ​បើក​ការស្រាវជ្រាវ​ចាត់​វិធានការ​សមស្រប​តាម​ច្បាប់​ជា​ធរមាន ដើម្បី​ជា​គំរូ និង​ទាញ​យក​ពន្ធ​នានា​ជូន​រដ្ឋ បម្រើ​ជាតិ មាតុប្រទេស​ឱ្យមាន​ភាព​រីកចំរើន​នាបច្ចុប្បន្ន និង​អនាគត ៕

kunnhoem_aunpoanmonyroath2col

chhesothea2

Filed in: ព័ត៌មានជាតិ, ព័ត៌មានស៊ើប​អង្កេត​​សំខាន់ៗ​

Recent Posts

Bookmark and Promote!

Leave a Reply

Submit Comment