ខេត្តរតនគិរី ៖ ប៉ូលិសអធិការស្រុកបរកែវបានចុះប្រតិបត្តិការបង្ក្រាបជនសង្ស័យញីឈ្មោលមួយ សំបុកដែលកំពុងសេពនិងចែកចាយគ្រឿងញៀននៅពាក់កណ្តាលយប់។ ហេតុការណ៍នេះបានកើតឡើងនៅវេលាម៉ោង ថ្ងៃទី២៦ ខែសីហា ឆ្នាំ២០១៤ ស្ថិតនៅចំណុចបរកែវចាស់ ភូមិ១ ឃុំឡាមិញ ស្រុកបរកែវ។
សមត្ថកិច្ចបានបញ្ជាក់អោយដឹងថា ដោយមានការចុះស៊ើបអង្កេតជាយូរមកហើយ ទើបពេលនេះក្រសោបបានមួយសំបុកនាក់ចែកចាយគ្រឿងញៀន ដោយឃាត់ខ្លួនបានចំនួន៦នាក់ ប្រុស៣នាក់ ស្រី៣នាក់ ។
សមត្ថកិច្ចបានបន្តទៀតថា វត្ថុតាំងដែលរឹបអូសបានមានដូចជាគ្រឿងញៀនប្រភេទម៉ាទឹកកកចំនួន៤កញ្ចប់ លុយខ្មែរចំនួន២៧៥០០រៀល ទូរស័ព្ទដៃចំនួន៥គ្រឿង។ ជនសង្ស័យទី១.ឈ្មោះ ផល ម៉ៅ ភេទប្រុស អាយុ២៨ឆ្នាំ ជនជាតិខ្មែរ ទី២.ឈ្មោះ ឃុន សារ៉ាត់ ភេទប្រុស អាយុ២៨ឆ្នាំ ជនជាតិខ្មែរ ៣.ឈ្មោះ រី សល់ ភេទប្រុសអាយុ២៣ឆ្នាំ ទី៤.ឈ្មោះថៃ សេងហ៊ន់ ភេទស្រី អាយុ២៥ឆ្នាំ ជនជាតិខ្មែរ ៥.ឈ្មោះ ជា ស្រីអូន ភេទស្រី អាយុ៣៥ឆ្នាំ ជនជាតិខ្មែរ ទី៦.ឈ្មោះជា ស្រីនាង ភេទស្រី អាយុ៣៥ឆ្នាំ ជនជាតិខ្មែរ។ ជនសង្ស័យទាំង៦នាក់នេះស្នាក់នៅភូមិឃុំខាងលើ។
បច្ចុប្បន្នសមត្ថកិច្ចកំពុងកសាងសំណុំរឿងទៅតុលាការចាត់ការតាមផ្លូវច្បាប់៕
ឡុង សារ៉េត