ខេត្តរតនគិរី ៖ សាលាដំបូងខេត្តរតនគិរីបញ្ជូនខ្លួនជនសង្ស័យ២នាក់ទៅពន្ធនាគារ ហើយនៅរសៀលថ្ងៃទី២៧ ខែធ្នូ ឆ្នាំ២០១៤ នេះ។
នាយប៉ុស្តិ៍រដ្ឋបាលឃុំប៉ក់ញ៉ៃ និងនាយប៉ុស្តិ៍សង្កេតការយោធាកងអនុសេនាតូចទី៤ ភូមិភិ ចំណុះអោយមូលដ្ឋានកងទ័រការពារព្រមដែនគោកអតីតៈវរ១០២ ក្នុងស្រុកអូរយ៉ាដាវ ត្រូវសាលាដំបូងខេត្តធ្វើការបញ្ជូនខ្លួនទៅមន្ទីកែប្រែពន្ធនាគារហើយ នៅរសៀលថ្ងៃទី២៧ ខែធ្នូ ឆ្នាំ២០១៤នេះ នាយស្តិ៍ដែលជាជនសង្ស័យទាំង២នាក់នោះមានឈ្មោះ ទី១ឈ្មោះ រចំ អែន (ហៅសាំង) ជានាយប៉ុស្តិ៍សង្កេតការយោធាប្រចាំនៅភូមិភិ ស្រុកអូរយ៉ាដាវ ខេត្តរតនគិរី។ ទី២ឈ្មោះ ប៉ូយ ច្រូច មានតួនាទីជានាយប៉ុស្តិ៍នគរបាលរដ្ឋបាលឃុំប៉ក់ញ៉ៃ ស្រុកអូរយ៉ាដាវ ដូចគ្នា។
លោក សូស ឡា ប្រធានសាលាដំបូងខេត្តរតនគិរីបានឲ្យដឹងថាជនសង្ស័យទាំង២នាក់នេះជាប់ពាក់ព័ន្ធពីបទអនុញ្ញាតអោយជនជាតិវៀតណាមនិងប្រជាពលរដ្ឋកាប់បំផ្លាញ់ព្រៃឈើនៅដែនការពាររបស់ខ្លួនតាមបន្ទាត់ព្រំដែន ឥឡូវនេះតុលាកសម្រេចឃុំខ្លួននៅពន្ធនាគារបណ្តោះអាសន្នសិន រងចាំការស៊ើបអង្កេតស្រាវជ្រាវបន្តទៀតទើបកាត់ក្តីទៅតាមទំងន់នៃទោស។
លោកលី វណ្ណារ៉ា មេបញ្ជាការមូលដ្ឋានកងទ័ពការពារព្រំដែនគោកស្រុកអូរយ៉ាដាវ បានបញ្ជាក់ថាការកាប់បំផ្លាញ់ព្រៃឈើទាំងនោះគឺស្ថិតនៅក្នុងដីរបស់ក្រុមហ៊ុនទ្រីភាព ហើយមួយទៀតការដ្ឋានខ្សាច់នៅទីនោះក៏ជារបស់លោកសូ សំណាង ប្រធានមន្ទីរសាធារណៈការទេ រឿងមានច្បាប់ ឫមិនមាននោះលោកមិនបានដឹងឡើយ ហើយតុលាការចាប់កូនលោកទាហ៊ានរបស់លោក លោកក៏មិនបានដឹងដែរ គឺដីការតុលាការអញ្ជើញនោះយកអោយសាម៉ីខ្លួនតែម្តង លោកបន្តថាអត់មានការពាក់ព័ន្ធជាមួយកូនចៅរបស់លោកឡើយព្រោះកន្លែងបទល្មើសទាំងនោះគឺស្ថិតនៅក្នុងដីក្រុមហ៊ុន ការចាប់ខ្លួននេះលោកមិនយល់ដែរ។
បើតាមប្រភពសុំមិនបញ្ចេញឈ្មោះ បានអោយដឹងថា ជនសង្ស័យឈ្មោះ រចំ អែន ហៅសាំង ជាជនជាតិវៀតណាម ហើយជាមន្ត្រីយោធាមួយរូបដែលោកលី វណ្ណរ៉ា បានលើកបន្តុបដោយយកឈ្មោះរចំ អែន ដែលជាឈ្មោះមន្ត្រីយោធាជនជាតិភាគតិចម្នាក់មកដាក់អោយ។
ទោះជាយ៉ាងណាក៏ដោយជុំវិញករណីខាងលើនេះ ជនជាតិវៀតណាមដែលចូលមកកាប់ឈើក្នុងដីខ្មែរ ហើយចំណុចនោះជាតំបន់របស់ក្រុមហ៊ុន ឫមិនមែនក្រុមហ៊ុនក៏ដោយតែជនល្មើសបានចូកមកតាមចំណុចព្រំដែនដែលជនសង្ស័យខាងលើត្រូវការពារ៕
ឡុង សារ៉ាត់
