ខេត្តរតនគីរី ៖ នគបាលប្រឆាំងបទល្មើសសេដ្ឋកិច្ចក្រសួងស្ទាក់ចាប់បានរយន្ត០២គ្រឿងដឹកឈើប្រណិតល្មើសច្បាប់កាលពីវេលាម៉ោង១០យប់ថ្ងៃទី០៥ខែមករាឆ្នាំ២០១៥នៅលើផ្លូវលេខ៧៦ចំណុចភូមិថ្មីឃុំជ័យឧត្តមស្រុកលំផាត់ខណៈឈ្មួញបានដឹកចេញពីទឹកដីកោះចូលមកខេត្តរតនគិរីនោះ។
លោក កែវ រ៉េតមុន្នី នគរបាលប្រឆាំងបទល្មើសសេដ្ឋកិច្ចក្រសួងបានលើកឡើងថា នគបាលបានបង្កប់ភ្នាក់ងារសម្ងាត់ឲ្យឃ្លាំមើល នៅបន្ទាប់ពីមានប្រជាពលរដ្ឋបានសហការណ៏ជាមួយនិងសមត្ថកិច្ចរាយការមកកប្រាប់ថា មានរថយន្តតាកូម៉ាពណ័ក្រហម១កិបកន្លះ ០១ គ្រឿង គ្មានស្លាកលេខ និងម៉ាក់កាំម៉ារីស្វិតពណ៍ទឹកប៊ិចពាក់ស្លាក់លេខភ.ព2E4325ចំនួន០១គ្រឿង ដឹកចេញពីទឹកដីក្នុងស្រុកកោះញែក ចូលមកមកក្នុងស្រុកលំផាត់ ទើបកំលាំងនគបាលប្រឆាំងបទល្មើសសេដ្ឋកិច្ចក្រសួងបានពង្រាយដាក់កំលាំងនៅចំណុចខាងលើ ស្ទាក់ចាប់ខណៈម្ចាស់រថយន្តបានបើកទ្វាររថយន្តចុះរត់ចូលព្រៃបាត់តែម្តង។
ក្រោយពីធ្វើការបង្ក្រាបរថយន្តដឹកបទល្មើសខាងលើបានហើយ កំលាំងសមត្ថកិច្ចបាននាំយករថយន្តដឹកបទល្មើស និងវត្ថុតាងយកមករក្សារទុលនៅស្នងការដ្ឋាននគបាលខេត្តទាំងយប់ ហើយព្រឹកថ្ងៃទី០៦ ខែដដែល នគបាលប្រឆាំងបទល្មើសសេដ្ឋកិច្ចក្រសួងបានធ្វើកិច្ចប្រគល់ទៅឲ្យជំនាញរដ្ឋបាលព្រៃឈើខេត្តរតនគីរីចាត់ការបន្តតាមនីតិវិធីច្បាប់ ។
ទោះជាយ៉ាងណាក៏ដោយ ករណីបង្ក្រាបខាងលើនេះត្រូវបានប្រជាពលរដ្ឋក្នុងស្រុកលំផាត់លាន់មាត់រិៈគន់ថា រថយន្តពីរគ្រឿងនេះរកស៊ីដឹកឈើពីស្រុកកោះញែក ឆ្លងកាត់ស្រុលលំផាត់នេះជាមួយឆ្នាំមកហើយ និងមានរថយន្តជាច្រើនទៀតក៏រកស៊ីដឹកឈើដូចគ្នាដែរតែមិនឃើញគេបង្ក្រាបនោះទេ ដោយឡែករថយន្តពីរគ្រឿងនេះ ប្រហែលជាមិនបានរត់ការ បង់លុយ ឲ្យសមត្ថកិច្ចជំនាញ ទើបគេបង្ក្រាបដូច្នេះ ៕
ឡុង សារ៉េត
