នាយ​ដែនជម្រកសត្វព្រៃ​លំផាត់​សង្ស័យ​បង្ក្រាប​ឈើប្រណិត​ហើយ​ប្រគល់​អោយ​ឈ្មួញ​វិញ​

​ខេត្ត​រតនគិរី ៖ កម្លាំង​ដែនជម្រកសត្វព្រៃ​ស្រុក​លំផាត់​ចុះបង្ក្រាប​ទីតាំង​ស្តុក​ឈើប្រណិត​ខុសច្បាប់​មួយ​កន្លែង​នៅ​ស្រុក​លំផាត់​រហូតមកដល់​ពេលនេះ​មិន​ទាន់​ដឹង​ចំនួន​ជាក់លាក់​នៅឡើយ​សង្ស័យ​តែ​ប្រគល់អោយ​ទៅ​ឈ្មួញ​វិញ​អស់ហើយ​។​

​កាលពី​ថ្ងៃ​ទី​០៥ ខែ​មិនា ឆ្នាំ​២០១៥ មាន​មន្ត្រី​ដែនជម្រកសត្វព្រៃ​មួយក្រុម​ដឹកនាំ​ដោយ​លោក​សុវណ្ណ សុង ប្រធាន​ស្នាក់ការ​ស្រុក​លំផាត់​បាន​ចុះ​ទៅ​ទីតាំង​ស្តុក​ឈើ​ប្រណីត​ខុសច្បាប់ ដែល​មាន​ទី​តាំ​ចំណុច​ដូចខាងលើ​។ បាន​រកឃើញ​ឈើប្រណិត​ដែល​ឈ្មួញ​លាក់​ទុក​រាប់ពាន់​កំណាត់​បម្រុង​ដឹក​ទៅ​លក់​នៅ​ប្រទេស​វៀតណាម​ដោយ​ពុំ​ស្រប​ច្បាប់​។​

​ប្រភព​ពត៌មាន​បានអោយដឹងថា​ឈើ​ប្រណីត​ទាំងនេះ​ពួក​ឈ្មួញ​បាន​ចូល​កាប់​ពី​ក្នុង​តំបន់​អភិរក្ស​សត្វព្រៃ​ស្រុក​លំផាត់ ដែល​នៅ​ក្បែរ​នោះ​ដោយ​ឃុបឃិត​ជាមួយ​មន្ត្រី​បរិស្ថាន​ស្រុក ក្រោយ​ពី​បែកធ្លាយ​រឿង​ខាងលើ​នេះ លោក សុវណ្ណ សុង ធ្វើការ​ដឹកនាំ​កម្លាំង​ចុះ​ទៅ​បង្ក្រាប​ដើម្បី​បំភ័ណ្ណភ្នែក​មហាជន​តែ​ប៉ុណ្ណោះ ព្រោះថា​ក្រោយ​ពី​បង្ក្រាប​រហូតមកដល់​ពេលនេះ​ឈើ​ទាំងអស់នេះ​មិនឃើញ​ដឹកយក​ទុក​នៅ​មន្ទីរ​បរិស្ថាន​ដើម្បី​ធ្វើ​កំណត់ហេតុ​ប្រគល់​ទុកជា​សម្បត្តិ​រដ្ឋ​នៅ​ឡើយ​ទេ សង្ស័យ​តែ​ប្រគល់ឲ្យ​ទៅ​ឈ្មួញ​វិញ​អស់ហើយ​។​

​ជុំវិញ​ការចោទប្រកាន់​ខាងលើ​នេះ​លោក សុវណ្ណ សុង ប្រធាន​បរិស្ថាន​ប្រចាំ​ស្នងការ​ស្រុក​លំផាត់​នៅ​ថ្ងៃ​ទី​០៨ ខែ​មិនា ឆ្នាំ​២០១៥​មិនអាច​សុំ​ការពន្យល់​ពី​ការបង្ក្រាប​ឈើ​ខុសច្បាប់​នេះ​បាន​ឡើយ​។ ប៉ុន្តែ​លោក​អ៊ូ សុធី នាយក​ដែនជម្រកសត្វព្រៃ​លំផាត់​បាន​បញ្ជាក់​អោយដឹង​តាម​ទូរស័ព្ទ​កាលពី​ថ្ងៃ​ទី​០៨ ខែ​មីនា ឆ្នាំ​២០១៥ នេះ​ថា​ជា​ឈើ​ឈ្មួញ​ខិលខូច​បាន​ចូល​កាប់​នៅក្នុង​ភូមិសាស្ត្រ​ដែន​ជម្រក​សត្វព្រៃ​នៅ​លំផាត់​ប្រមូលយក​ទុក​ដី​ក្នុង​ក្រុមហ៊ុន​ហង​អាន ហើយ​មិន​ទាន់​បាន​លក់​ចេញ ខណៈ​ពេល​បុណ្យចូលឆ្នាំ​ចិន​មក​ដល់​ហើយ​ជួន​ពេល​នោះ​កម្លាំង​របស់​យើង​ក៏​ចុះ​បង្ក្រាប​តែម្តង​។​

​លោកនាយក​ជម្រក​សត្វ​ព្រៃ​លំផាត់​បានបញ្ជាក់​អោយដឹងទៀតថា ឈើ​ដែល​ប្រមូលបាន​នោះ​រហូត​មកដល់ពេលនេះ​នៅ​មិនទាន់​វាស់វែង​អោយដឹងថា​មាន​ចំនួន​ប៉ុន្មាន​នៅឡើយ​ទេ តែ​លោក​អះអាង​ថា​មួយ​សប្តាហ៍​ទៀត​ទើប​ដឹង​ចំនួន​ពិត​។​

​អ្នកឃើញ​ហេតុការណ៍​បាន​បញ្ជាក់​អោយដឹង​ដែរ​ថា ការអះអាង​របស់​លោក​អ៊ូ សុធី នោះ​គឺ​ពុំ​ដឹង​ថា​ឈើ​ដែល​ចាប់បាន​ទាំង​អស់នោះ​មិនដឹង​ថា​នៅ​កន្លែង​ណា​ផង​ទេ បើ​ការពិតទៅ​ឈើ​រាប់ពាន់​កំណាត់​នោះ​គ្រានតែ​ជា​ការធ្វើ ជា​ចាប់​ឡប់ឡែ ហើយ​យប់​ថ្ងៃ​ដ៏​ដែរនោះ​គេ​ប្រគល់អោយ​ឈ្មួញ​ដឹក​យក​ទៅ​ស្រុក​យួន​លក់​យក​លុយ​ចាយ​អស់​ទៅហើយ​៕
​ដោយ ឡុង សារ៉េត​

2015_03_08a-(1) 2015_03_08a

Filed in: ព័ត៌មានជាតិ, ព័ត៌មានថ្មី

Recent Posts

Bookmark and Promote!

Leave a Reply

Submit Comment